crossorigin="anonymous">
 

KEP a mete deyò yon nouvo kalandriye

Nan yon kominike pou Laprès #12 Konsèy Elektoral Pwovizwa mete deyò nan dat 28 jen 2021 an, li soumèt yon kalandriye modifye ki gen ladann diferan dat eleksyon yo.



Nan dat 26 septanm 2021, KEP a prevwa "Jour des scrutins combinés: Présidentielles, législatives (sénat/député) et référendaire".


Konsèy Elektoral Pwovizwa presize "2ème tour des scrutins combinés: Présidentiels et Législatifs" ap gen pou fèt 21 novanm 2021.


Pou sa ki gen pou wè ak "publication résultats définitifs 2ème tour présidentielles/2ème tour législatives", Konsèy Elektoral Pwovizwa di l ap rive fèt 7 desanm 2021.


KEP a rapousuiv nan Kominike pou Laprès sa pou di li kòmanse pou fini ak pwojè dekrè elektoral la ki pral jere pwochèn konpetisyon elektoral yo. Daprè KEP a, dekrè sa pral gen pou ale jwenn Egzekitif la pou li pibliye nan jounal ofisyèl la "Le Moniteur".


Konsèy Elektoral Pwovizwa fè konnen nan Kominike sila, nan objektif pou li goumen kont pandemi COVID-19 la, yon gid ki gen mezi sanitè espesifik yo pral elabore ak adopte ansanm ak Ministè Sante Piblik ak Popilasyon (MSPP) pou rive jwenn elektè-elektris yo.


Jacky M. Fontaine

TANBOU VERITE

0 comments