crossorigin="anonymous">
 

Kiyès Jean-Pierre Adams ye ?

Ansyen jwè fransè Jean-Pierre Adams mouri aprè 39 lane nan koma. Jean-Pierre Adams mouri 6 septanm 2021 sa nan CHU de Nîmes, daprè enfòmasyon L'Equipe rapòte. Li te genyen 73 lane.


Jean-Pierre Adams fèt nan vil Dakar, nan peyi Senegal, nan mwa mas 1948. Men li te jwe pou seleksyon Frans lan sòti 1972 rive 1976. Jean-Pierre Adams ak Bernadette Adams te marye depi nan lane avril 1969.


Ansyen jwè fransè a mouri lendi 6 septanm 2021 an, aprè li te nan koma depi 1982, sètadi 39 lane. Ansyen defansè a te jwe nan FC Mulhouse, Nîmes Olympique, OGC Nice ak Paris SG.


Foutbolè Jean-Pierre Adams te toujou ak zanmi l Marius Trésor, yo te fòme ansanm defans santral ekip Frans lan nan lane 1970 epi li te vini yon senbòl nan deba yo sou fen vi a. Dyo Jean-Pierre Adams ak Marius Trésor a te sinome "la garde noire".


Ansyen entènasyonal la ak jwè OGC Nice lan nan lane 1970 te plonje nan coma, aprè yon operasyon sou anestezi, depi 39 lane. Fanmi Jean-Pierre Adams te refize tout apèzman pwofon.


Jean-Pierre Adams te gen kalite fizik ekstraòdinè (gwo gason), trè solid, li te opere nan fen karyè l de yon ripti nan tandon jenou l. Ansyen jwè foutbòl la te mete fen nan karyè l nan Chalon-sur-Saône nan Saône-et-Loire. Yon èrè anestezi te plonje l nan yon coma pwofon epi san posiblite pou retounen. Jean-Pierre Adams te malad lakay li nan Gard.


Entènasyonal fransè a te pote koulè Nîmes Olympique pandan 84 fwa epi li te fòme avèk Marius Trésor 'la garde noire' nan ekip Frans lan. Yo te rele l pandan 22 fwa pou pote mayo seleksyon Frans lan ant 1972 ak 1976, Jean-Pierre Adams te konnen yon karyè rich nan lane 1970.


Ansyen klèb li OGC Nice prezante sensè kondoleyans li ak pwòch epi fanmi Jean-Pierre Adams. OGC Nice endike yon omaj kapab rann ak Jean-Pierre Adams dimanch 19 septanm 2021 nan estad Allianz Riviera.


Paris Saint-Germain sou sit li rann yon omaj ak yonn nan ansyen gloriye l yo pandan l salye lajwa viv ak karism ansyen defansè santral la ki te fèt nan lane 1948 nan Dakar.


Tanbou Verite ap di Jean-Pierre Adams ale anpè !


Jacky M. Fontaine

TANBOU VERITE

0 comments