crossorigin="anonymous">
top of page

Kolaborasyon Lachin-Larisi nan lespas bay gwo peyi yo gwo Kè Sote

Lachin ak Larisi koumanse kolabore nan teknoloji pou yo rivalize ak sistèm GPS Etazini an e ak sistèm navigasyon Ewòp la ki rele Galileo, pandan 2 peyi yo ap pouswiv relasyon militè ak estratejik pi sere.


Ane sa a, Lachin te dakò pou l gen sou teritwa li baz k ap obsève estasyon pou sistèm GPS Larisi a ki rele GLONASS la, ki amelyore espas kontwòl li ak presizyon li, men li poze yon risk pou sekirite. Bò kote pa l, Larisi te dakò pou l gen lakay li baz pou estasyon sistèm chinwa ki rele BeiDou a.


Antant pote-kole a endike yon nivo konfyans ak koperasyon k ap ogmante ant Moskou ak Peken, pou repete analis Alexander Gabuev, manm wo plase e alatèt pwogram ki rele Larisi nan Azi-Pasifik la nan Sant Carnegie Moskou. Divizyon ant Larisi ak loksidan an, ansanm ak konfwontasyon ak konpetisyon ki vin pi di ant Lachin ak Etazini kòm 2 sipè-pwisans, sa kontribye pou rapwoche Moskou ak Peken. Yo youn konplete lòt, kote Larisi chaje ak rezous natirèl e Lachin li menm gen kapital lajan pou devlope resous sa yo.

0 comments
bottom of page