crossorigin="anonymous">
 

Komisyon pou chèche yon solisyon ayisyèn ak kriz la anonse òganizasyon yon konferans politik

Updated: Jul 20, 2021

. .

Jodi a fè 8 jou depi vyolan asasina Jovenel Moïse la. Komisyon pou chèche yon solisyon ayisyèn ak kriz la anonse pou jedi 15 jiyè 2021 sa òganizasyon yon konferans politik ki dwe debouche sou yon pwopozisyon sòti kriz, daprè enfòmasyon AHP rapòte.

Pwofesè Josué Merilien ki se reprezantan konbit òganizasyon sendikal, politik ak popilè rele tout sektè enpòtan nasyon an pou mete yo ansanm pou kapab jwenn yon akò nan yon ti tan tou kout pou pa kite kriz la vin pi grav.



Magalie Comeau Denis ki se ansyèn minis kilti ak popilasyon sou rejim GNB ak manb komisyon sa fè konnen yon etap enpòtan franchi vè rezolisyon kriz politik la. Madam Denis presize plizyè sektè enpòtan nan peyi a prè pou konjige efò yo pou jwenn yon akò 'minimal'.


Plizyè pati politik pami yo òganizasyon politik Fanmi Lavalas ak pati Emèjans Patriotik di yo ankouraje tout lide dyalòg pou rive ak yon laj 'concensus' ant diferan aktè politik yo ak sosyete sivil la pou mizanplas yon gouvènman tranzisyon.


Jacky M. Fontaine

TANBOU VERITE

. .

0 comments