crossorigin="anonymous">
 

Koudeta nan peyi Gine: yon gwoup militè arete prezidan Alpha Condé

Anpil katouch tap tire jounen dimanch 5 septanm 2021 bò palè nasyonal nan peyi Gine kote yon gwoup militè pran kontwòl kapital la, konakri, epi rive mete men sou prezidan Alpha Condé.


Gwoup militè sa a ki gen nan tèt li ansyen lejyonè fòs lame fransè yo, lyetnan Kolonel Mamady Doumbouya te bloke tout aksè yo epi anonse fwontyè yo ap femen.


Pandan gouvènman gineyen an, nan yon kominike ap rasire popilasyon an nan fè konprann sitiyasyon an sou kontwòl epi Prezidan Condé pa nan men militè yo vre, militè yo bò kote pa yo pibliye foto prezidan Condé ki antoure ak sòlda.


Kolonèl Mamady Doumbouya, kòmandan an chèf fòs espesyal yo, pibliye yon video ki montre li nan mitan yon pakèt solda epi antoure ak yon drapo gineyen sou zepòl li pou anonse divès dispozisyon gwoup ame a pran aprè koudeta sila.


Nan video sila, kolonèl Mamady Doumbouya anonse disolisyon enstitisyon yo, sispansyon konstitisyon an epi kreyasyon yon komite nasyonal pou redresman ak devlopman.


Pi lwen, kolonèl la pwomèt yon dyalòg kote tout moun ak ka bay dizon yo nan lide pou ekri yon lòt konstitisyon, daprè sa RFI rapòte.

 


0 comments