crossorigin="anonymous">
 

Lajistis nan peyi Côte d’Ivoire kondane yon animatè poutèt li resevwa yon kadejakè ki montre kijan..



 

Yves de Mbella se non yon animatè/prezantè kamewounè kap viv nan peyi Côte d’Ivoire yon tribinal nan Abidjan kondane pou pase 12 mwa nan prizon epi peye yon amand de (2) milyon fran cfa (anviwon 3000 euro) poutèt li resevwa nan yon emisyon televize yon ansyen kadejakè ki montre andirèk kijan li konn vyole viktim li yo.


Lendi 30 out pase a, animatè a te resevwa Kader Traoré nan emisyon l « La Télé d’ici Vacances » ki pase sou Nouvelle Chaîne Ivoirienne (NCI). Objektif emisyon an jou sa a se te pou sansibilize sou vyòl. Konsa, animatè a te pèmèt envite a fè demonstrasyon l lan ki, malerezman pou yo, pat gen efè yo te swete a.


Sou rezo sosyal yo, anpil moun te kritike demach sa a yo konsidere tankou yon apoloji vyòl. Lig Ivwaryen Dwa Fanm te pibliye yon kominike kote yo kondane sa ki te pase a, manifeste devan lokal televizyon an epi depoze yon plent kont televizyon an.


Animatè a te rekonèt erè l e prezante eskiz li men sa pat frennen vag pwotestasyon an.


Mèkredi premye septanm lan, lajistis te tande tou de (2) konsène yo epi aprè kondane yo pou « atteinte à la pudeur » ak « apologie du viol ».


Yves de Mbella, mete sou pèn prizon ak amand lan, ap gen pou li pase 30 lane san li pa janm prezante okenn emisyon radyo ak televizyon epi li pap ka kite vil kote li ye a pandan de (2) lane a. Avan sa, chèn televizyon an te sanksyone l pou 30 jou. Animatè a ki te dwe prezante final Miss Côte d’Ivoire 2021 an, finalman pap kapab onore kontra sa a.


Envite a kote pa l kondane pou menm motif yo tou. Men lap gen pou li pase 24 mwa nan prizon epi peye yon amand 500 000 fran cfa (anviwon 762 euro). Avoka l yo anonse yap gen pou yo fè apèl de desizyon tribinal la.


Avan eskandal emisyon sou vyòl la, Yves de Mbella te domine aktyalite a nan fen mwa jen pase a lè l te marye ak de (2) fi yon sèl kou. Aprè maryaj la, yon komedyen te voye yon mesaj bay animatè a pou swete yo ere « tous les 3 »

 

0 comments