crossorigin="anonymous">
 

Lansman ofisyèl mouvman “Rasanbleman Jovenelis yo pou demokrasi

Nan yon nòt pou laprès yo mete deyò jounen mèkredi 15 septanm 2021 an, plizyè patizan ak senpatizan ansyen prezidan Jovenel Moïse ki mouri asasinen lakay li nan peleren 5 nan dat 7 Jiyè 2021 an, deside lanse mouvman Jovenelis yo pou demokrasi. Mouvman politik sa lanse nan lide pou yo kontinye batay pou limyè rive fèt sou lanmò prezidan Jovenel Moïse. "Nou menm ayisyen konsekan patizan ak Senpatizan, kolaboratè ak pwòch prezidan Jovenel Moïse atoufè san lwa ni fwa mele ak oligak kòwonpi te asasinen nan lannwit 6 pou bout 7 jiyè 2021 an, deside rasanble anba yon gwo mouvman ki rele Rasanbleman lè Jovenelis pou demokrasi (RJD)." Men misyon yo bay tèt yo 1) Rasanble tout ayisyen tout estrikti, ak òganizasyon sosyopolitik ki kwè nan batay prezidan Jovenel Moïse tap mennen ki lakoz yo asasinenl nan. Batay pou prezidan Jovenel Moïse jwenn jistis ak tout lòt moun ki tonbe anpil bal asasen tankou mèt Dorval. Travay pou vizyon prezidan Jovenel Moïse yo pa mouri tankou fòk peyi a gen wout,dlo, ak kouran. Pou kondisyon yon ayisyen fèt paka kondanel pou rete pòv se pou tout ayisyen gen mennm chans reyisit nan lavi. Kontribye pou peyi a granmoun tèt li tout bon vre nan yon leta ki efikas pou sèvi tout sitwayen pa selman yon tiponyen moun. Men moun ki siyen nòt sa Ardouin Zéphirin Charlot Jacquelin Claude Joseph Esther Antoine Étienne Schera Gérard Decelmond Guerchon Guerrard Guichard Doré Renald Luberice Patrick Chrispin

0 comments