crossorigin="anonymous">
 

Lapolis nan pòdepè arete Plizyè moun kap vann gaz nan lari

Nan yon operasyon lapolis nan pòdepè mennen yo rive arete 6 moun ak sezi plizyè doum ak gwo galon gaz Lendi 2 dawout 2021 an, operasyon sa yo mennen daprè responsab yo se nan lide pou konbat vant ilisit gaz nan anpil kote ki pa fèt pou sa.


Pou responsab polis la ki nan nò peyi Dayiti vann gaz nan lari a, se yon pwoblem sekirite piblik e yo detemine pou konbat dosye vann gaz nan lari.


Sa nou dwe raple vann gaz nan lari depi yon bon bout nan peyi Dayiti vin yon gwo biznis ki pèmèt anpil moun rantre kob lè gen kriz nan peyi a, nap raple nan komin Sen-Mak toujou nan dosye vann gaz nan lari 28 Jiyè pase a yon gwo dife te eklate nan zòn boulva sa kite koz anpil moun ki tap vann nan zòn nan pèdi tout bagay yo.


Pou anpil moun gaz kap vann nan lari prèske nan tout peyi a, se konplisite responsab bonp gaz yo kap fè mache nwa lè gen rate gaz sou peyi Dayiti


DANIO DANIEL TANBOU

daniodaniel063@gmail.com

 

0 comments