crossorigin="anonymous">
 

Lapolis Repiblik Dominikèn arete yon ansyen mafya k fè tèt li pase pou yon chèf kwizinye sou YouTube

Marc Feren Claude Biart, yon mesye 53 lane yo sispèk ki te manb yon òganizasyon mafya, rive yè lendi a nan vil Milan aprè Lapolis nan Repiblik Dominikèn te fin arete l' jou ki te 24 mas la.


Marc, jan tout moun konn rele l' la, te nan mawon depi 2014. Yo akize l' kòm kwa li te konn fè trafik dwòg ant Itali ak Peyi Ba pou yon klan ki rele Cacciola de la 'Ndrangheta.


Marc tap viv nan vil Boca Chica. Selon lapolis dominiken, li te pridan nan tout mouvman l' e li te konn pibliye videyo sou You Tube kote lap prepare resèt italyen ak madanm li. Nan videyo yo li pa janm montre vizaj li, anketè yo te rive idantifye l' gras a tatouwaj li yo.


Lanmou l' pou kwizin italyen an ak pou tatou yo se sa ki pèmèt lapolis te al swiv tras li epi rive idantifye l'.


Marc Feren Claude Biart fèt nan vil Rome, li te pase yon tan Costa-Rica avan l' te tabli l' Repiblik Dominikèn an 2016.


Arestasyon l' lan fè pati estyon pwojè Interpol ki rele I-CAN ki vize mete anba kòd tout manm klan sa a ki prezan nan 32 peyi pami yo 17 nan kontinan Ewopeyen an.

0 comments