crossorigin="anonymous">
 

Larisi: Prezidan Poutine siyen yon lwa ki ba li posibilite pou li rete sou pouvwa pou jouk 2036

Prezidan Larisi a, Vladimir Poutine siyen, ayè lendi 5 avril 2021 an, yon lwa ki bal posibilite pou li rete sou pouvwa jiska 2036.


Apre yon referendum konstitityonel ki te òganize pou ete 2020 an, palman ris la te adopte lwa sa nan mwa mas la. Nouvèl lwa sa bay premye sitwayen larisi, ki nan tet peyi a depi 2000, posibilite pou li pran 2 manda anko. Revizyon konstitisyonel sa bay prezidan ris yo garanti iminite a vi menm lè yo kite fonksyon an.


Lwa sa fè kandida pou prezidan yo anpil egzijans. Fok yo genyen pou pi piti 35 an epi rete viv an pèmanans nan peyi a pandan 25 an pou pi piti epi fok yo pat janm gen yon lòt nasyonalite, ni pèmi sejou pèmanan nan okenn lòt peyi.


Vladimir Poutine genyen 68 tan, li gen plis pase 20 tan sou pouvwa epi li fè konnen li pral nan eleksyon anko an 2024. Pandan tout ane prezidans li yo, Poutine elimine tout konkirans politik. Kit se opozisyon kit se medya endepandan, Prezidan fè tout kanpe lwen epi sijè siksesyon an te toujou leve plim sou do l.

0 comments