crossorigin="anonymous">
 

Larisi: yon fiziyad nan yon inivèsite  lakoz 6 moun mouri ak 24 lòt blese

Daprè sa jounal espanyòl la, EFE, rapòte, yon fiziyad ki fèt jodi lendi 20 septanm nan sou youn nan kanpis inivèsite Perm yo, nan Moskou (Larisi)  lakoz 6 moun mouri ak 24 lòt blese. 


Nan yon kominike ministè sante nan peyi sila mete deyò aprè dram sa, li deklare genyen 6 moun ki moun ki rive pedi lavi yo aprè dram nan. 24 lòt viktim ap pran swen lopital, pami yo 19 blese pa bal. 


Selon enfòmasyon Otorite Ris yo pataje nan medya yo, yo fè konnen zak sila a  pa yon atak, men pito zak yon etidyan, yon jenn gason 18 lane, ki nan syans jiridik ki te menm rive kite yon mesaj sou rezo sosyo yo avan li komèt zak kriminel sa. 


Men sa etidyan sa te ekri: "Je me déteste, mais je veux faire de la peine à tous ceux qui se dressent sur mon chemin." Nan menm mesaj sila, li presize li pa manm okenn òganizasyon ekstremis, kidonk pinga yo anrejistre zak li a nan rejis  atak. 


Lapolis te rive arete jenn etidyan sa malgre li te rive blese paske li tap fè fòs ak ajan yo. Li te gen nan men li yon fizi chas ak yon razwa. Li te komanse tire sou machin yo sou lakou inivesite a, avan li te pwente sou moun. Pou kounya, Otorite yo fè konnen li lopital ap resevwa swen. 


Prezidan Ris la, Vladimir Poutine, voye senpati li bay fanmi viktim yo. Otorite yo dekrete yon jounen dèy nan memwa viktim yo epi sispann kou yo nan tout inivesite ak lekol nan lokalite Perm nan sousi pou yo ranfose mezi sekirite yo avan yo reprann kou yo. 

0 comments