crossorigin="anonymous">
top of page

Londres pral inogire premye pisin transparan nan mond lan


Premye pisin transparan nan mond lan ki twouve l’ nan vil Londres ap inogire 19 me kap vini an. Pisin sa a yo rele Sky Pool, kwoke nan mitan 2 batiman, li gen yon estrikti ki kapab kenbe 375 tòn dlo. Ak yon longè 25 mèt epi twa mèt pwofondè, li pèmèt moun kap viv nan batiman yo naje soti nan yon blòk pou ale nan yon lòt.


Batiman sa yo gen ladan yo apatman, boutik, biwo, ba ak restoran. Sky pool la ki plase a 35 mèt de tè a bay vizitè yo posiblite pou yo admire kèk senbòl nan kapital la tankou syèj palman an ak London Eye.


Nan yon entèvyou ak jounal britanik Daily Mail, prezidan konplèks la, Sean Mulryan, deklare lide pou konstwi pisin sa a soti nan dezi pou yo depase limit kapasite konstriksyon ak jeni yo. Li te fè konnen :"Estrikti transparan Sky Pool la se rezilta pwogrè siyifikatif teknoloji nan deseni ki sot pase la a. Eksperyans pisin sa a san parèy, li pral tankou si nou tap flote anlè nan sant vil la."


Sky pool se pa yon pisin minisipal men se pito yon inisyativ prive ki pral relye de (2) imèb ki fòme yon rezidans “luxueux” ki pote non The Embassy Gardens. Apatman yo nan rezidans sa a kapab vo ant 600 000 ak 5 milyon livres sterling.


Nan okazyon eremoni pou inogire pisin sa a ap gen yon emisyon espesyal Ronald Kemp, yon animate britanik ap prezante. Nan emisyon sa a lap gen ak li yon ekip natasyon.

0 comments
bottom of page