crossorigin="anonymous">
 

Mèt Marc Antoine di li twouve envitasyon pakè Tigwav fè Danton Leger a pa fin respekte tout nòm yo

Lòm de lwa ak militan politik la Mèt Marc Antoine Maisonneuve di li relve kèk iregilatite grav nan tèks envitasyon komisè gouvènman Tigwav la lanse kont ansyen depite Leyogàn nan Mèt Jean Danton Leger ki se manm bawo Pòtoprens.



Mèt Marc Antoine Maisonneuve fè remake gen yon fason pou envite yon avoka ki se manm yon bawo. Daprè li, envitasyon sa relve senpleman de pèsekisyon politik nan objektif pou tante entimide tout sila yo ki opoze ak reyalizasyon referandòm pouvwa de-facto a.


Mèt Marc Antoine Maisonneuve mande tout komisè tout jiridiksyon peyi a pou prepare yo pou konvoke tout popilasyon ayisyèn nan paske se pèp la ki opoze ak pwojè ki kont demokrasi a.


Pou rapèl, ansyen komisè gouvènman Jean Danton Leger envite pou reponn kesyon pakè Tigwav vandredi 4 jen sa ak 10 zè nan maten. Envitasyon sila vini aprè yon videyo ki pibliye sou rezo sosyo yo nan videyo sa ansyen depite Leyogàn nan akonpaye ak plizyè militan politik ki genyen nan men yo manchèt ap lanse pawòl piman bouk kont referandòm Jovenel Moïse la kote prèske tout sektè nan lavi nasyonal la pran pozisyon kont referandòm nan pandan yo kalifye l enkonstitisyonèl.


Jacky M. Fontaine

TANBOU VERITE

0 comments