crossorigin="anonymous">
 

Matisan rale yon souf jounen dimanch 6 jyen an

Chef gang ki t ap simen latroublay nan rantre zòn sid nan peyi a pran yon poz pou jounen jodi 6 jyen an.

Apre plis pase 5 jou bloke a koz gwoup gang ti bwa ak gran ravin t ap goumen pou tèritwa, jodi dimanch 6 Jyen 2021 an, popilasyon matisan ak zòn avwazinat yo rale yon souf, sikilasyon plizoumwen reprann.


Pou make jounen trèv sa a, premye minis la akonpeye de kèk minis ansanm ak wo kòmandman PNH la te pwomennen a pye soti matisan rive lamarin an pasan pa plas fontamara. Dapre deklarasyon li, se lapolis ki rive mete lapè nan zòn sa yo. Li te jis vin konstate sa ak pwòp zye li.


N ap raple ke bandi fin pran kontwòl plizyè komisarya nan kapital la, touye o lwen 5 polisye nan mwens ke 1 jou, anpil moun nan sosyete sivil la sove kite kay yo oswa mouri anba bal nan kad afwontman 2 gwoup ame nan kapital la.

0 comments