crossorigin="anonymous">
 

Meksik:Lapolis arete yon sitwayen aprè yo fin jwenn 3 787 zo moun lakay li

Lapolis nan peyi Meksik anonse yo jwenn samdi 12 jen pase a 3 787 zo moun lakay yon sitwayen aprè yo fin fouye kay la. Selon Associated Press, zo sa yo sanble se zo 17 moun mesye sa a ki konn manje moun ta touye.



Depi 17 me anketè yo tap fouye atè kay sitwayen sa a yo sispèk ki ta yon "tueur en série". Anplis de moso zo yo, anketè yo di yo jwenn tou soulye fanm, makiyaj, 8 telefòn selilè, yon lis non moun epi anrejistreman odyo ak videyo.


Sitwayen sa a, yon bouche ki pran retrèt li e ki gen 72 lane, te deja kondane pou lanmò madanm yon polisye. Li pa nye akizasyon yo pote kont li yo, dayè li deklare devan yon tribinal li te rache po figi yon fi akoz li te twouve l' twò bèl.


Yo pa bay rapò sou okenn gason misye ta touye. Men lapolis di l' jwenn pyès plizyè fanm ki te disparèt depi plizyè ane.

0 comments