crossorigin="anonymous">
 

*Mibalè : 2èm edisyon << FOOT FESTI SAINT-LOUIS >> a prevwa sòti 5 rive 25 dawout 2021*

Nèf (9) ekip pral dispite 2èm edisyon chanpyona foutbòl ki batize << FOOT FESTI SAINT-LOUIS >> pou lane sa. Se yon konpetisyon espòtiv ki òganize pa yon gwoup jenn ki genyen kòm "chef de file" jounalis espòtif Loudentz MÉUS. Tounwa foutbòl sa pral fèt sòti 5 rive 25 dawout 2021 nan Mibalè. Chanpyona foutbòl sila reyalize nan okazyon fèt patronal Mibalè << Saint-Louis Roi de France >>, 25 dawout. << FOOT FESTI SAINT-LOUIS >> ap jwe sou yon sèl tèren : Pak Saint-Louis. Nèf (9) ekip divize an twa (3) gwoup ki genyen twa (3) ekip ap pran pa nan chanpyona foutbòl sila. Se rankont Flèche D'or vs AS Belladère ki pral bay koudanvwa a, jedi 5 dawout la nan Pak "Saint-Louis de Mirebalais". Men konpozisyon gwoup yo : - Gwoup A : Flèche D'or; Élan Noir; Belladère - Gwoup B : L'ouverture; Blouzon Vert; Saut d'Eau - Gwoup C : Bolide; Dynamo; Laskaobas. Venkè 2021 chanpyona << FOOT FESTI SAINT-LOUIS >> a ap gen dwa ak yon twofe, meday ak yon sòm 50 000 Goud. Ekip dezyèm nan ap gen dwa ak yon twofe, meday ak yon sòm 25 000 Goud. Pou dezyèm edisyon an pou lane 2021 an, tankou jan sa te ye pou premyè edisyon an, foutbòl ak mizik ap melanje pou bay plezi ak fanatik foutbòl ak moun ki renmen mizik k ap sòti tout kote vin asiste ak diferan rankont ki pral genyen nan konpetisyon an pou vakans ete 2021 an. Inisyatè ak òganizatè aktivite foutbòl sa nan vil Mibalè pwofite pandan vakans ete 2020 an pou te lanse ak òganize premyè edisyon << FOOT FESTI SAINT-LOUIS >> a, yon premyè edisyon ki te ranpòte pa ekip Flèche D'or a ki gen entènasyonal ayisyen an Jeff Louis k ap jwe ladann. Men kijan kalandriye konplè << FOOT FESTI SAINT-LOUIS >> a prezante : GWOUP A Flèche d'or Élan noir Belladère GWOUP B L'ouverture Blouzon vert Saut d'Eau GWOUP C Bolide Dynamo Lascaobas M1- 5 Août : Flèche d'or vs Belladère M2- 6 Août L'ouverture vs Saut-d'eau M3- 7 Août Bolide vs Lascaobas M4- 8 Août Belladère vs Elan Noir M5- 9 Août Blouzon-vert vs Saut-d'eau M6- 10 Août Lascaobas vs Dynamo M7- 11 Août Elan Noir vs Flèche d'or M8- 12 Août Blouzon vert vs L'ouverture M9- 13 Août Dynamo vs Bolide 1/4 FINAL M10 :15 Août 1er GA vs 2e M3e M11 :16 Août 1er GB vs 1er M3e M12 : 17 Août 2e GA vs 1er GC M13 : 18 Août 2e GB vs 2e GC 1/2 FINAL M14 : 21 Août Vq M10 vs Vq M11 M15 : 22 Août Vq M12 vs Vq M13 FINAL M16 : 25 Août Vq M14 vs Vq M15. Jacky M. Fontaine TANBOU VERITE

 

0 comments