crossorigin="anonymous">
 

Nasyonzini vote pou mennen ankèt sou krim konfli nan Gaza; Netanyahu kritike desizyon an

Konsèy dwa moun Nasyonzini an aksepte lanse yon ankèt entènasyonal sou krim ki fèt pandan 11 jou konfli ant Izrayèl ak gwoup islamis Hamas la nan Gaza, yon desizyon ki atire kritik premye minis izrayelyen an Benjamin Netanyahu, ki rele aksyon an yon « desizyon lawont ». 47 manm Konsèy la adopte yon rezolisyon Òganizasyon Kòperasyon Islamik (OCI) ak delegasyon Palestine nan nan Nasyonzini te prezante. Rezolisyon sa a jwenn 24 vòt favorab, 9 kont ak 14 ki pa vote.


"Pwojè rezolisyon an li apwouve", se sa NazhatShameem Khan, anbasadè Fidji epi prezidan fowòm Genève la, te deklare aprè yon sesyon ekstrawòdinè ki te dire tout jounen an.


Netanyahu reyaji sou apwobasyon sa, ki chita sou plis pase 230 ka lanmò ki rive nan rejyon Mwayen-Oryan an e ki te touche sitou pèp palestinyen an, kote sivil, ladan yo timoun ak fanm te mouri san konte gwo dega ki fèt nan zòn nan.


Nan yon kominike, premye minis lan di vòt sou ankèt la se yon « lòt gwo egzanp klè sou obsesyon Konsèy dwa moun Nasyonzini an kont Izrayèl ».

0 comments