crossorigin="anonymous">
 

Nos Petits Frères et Sœurs >> anonse li fèmen pòt li nan tout peyi a

Òganizasyon << Nos Petits Frères et Sœurs >> anonse l ap fèmen pòt tout enstitisyon li yo nan peyi Dayiti. Dezisyon sa vini, daprè òganizasyon an, aprè endividi ak zam kidnape lendi 6 septanm pase a youn nan manb li yo, madam Marie Ange Béril.


<< Nos Petits Frères et Sœurs >> ki egzije liberasyon san kondisyon kolaboratris li a, Marie Ange Béril ki se direktris "Foyer Sainte-Anne, yon antite nan òganizasyon an, di li kondane avèk tout fòs li zak sila.


Pou pwoteste kont zak kidnapin ki fèt sou Marie Ange Béril la, << Nos Petits Frères et Sœurs >> deside fèmen pòt Lopital Sen Damyen nan Taba (sof pou ka ekstrèm ijans), Sant Sent Jèmèn pou andikape, sèvis terapi Sent Jèmèn, Lekòl Fr. Wasson Angels of Light ak Lekòl Sent Elèn nan Kenskòf.


Òganizasyon << Nos Petits Frères et Sœurs >> ap enfòme tout enstitisyon sa yo atravè peyi a ap rete fèmen jouk liberasyon Marie Ange Béril.


Jacky M. Fontaine

TANBOU VERITE

 

0 comments