crossorigin="anonymous">
 

OPC mande lajistis pou li aji, prese prese, sou sitiyasyon polisye ki chwazi tounen nan gadavi yo

Updated: Apr 10, 2021



Nan yon nòt pou laprès, felisite polisye ki, malgre manm Fantom 509 te libere yo an gwo ponyèt jou ki te 17 mas 2021 an, chwazi retounen nan selil izolman yo epi  kondane "mòd Operatwa" gwoup ame Fantom 509 la. 


Enstitisyon sa ki la pou pwoteje sitwayen an, mande otorite yo prese prese pou statye sou sitiyasyon polisye sa yo ki, san moun pa fòse yo, retunen  nan selil izolman yo, ansanm ak tout lot moun ki nan detantion prevantiv pwolonje, ki viktim grèv san limit asosyasyon majistra yo lanse a, san yo pat panse ak mete yon selil dijans sou pye. 


Nan menm nòt sa a, OPC denonse epi kondane mòd operatwa gwoup ame Fantom 509 la ki se "libere polisye ki nan izolman nan komisarya ak soukomisarya, tire toupatou avek zam otomatik nan lari, sezi kle machin sitwayen, detwui ak mete dife nan byen piblik ak prive." Renan Hedouville fe konnen: " konpotman gwoup Fantom 509 la, depaman ak misyon lapolis la ki se " Pwoteje ak sèvi". 


Yon lot bò, pandan enstitisyon an kontinye mande otorite yo pou yo pran dispozisyon pou yo ka rekipere kadav polisye bandi te asasinen nan operasyon vilaj de dye jou ki te 12 mas 2021 an, pou ede paran ak zanmi yo di yo yon denyè babay, li raple yo tou pou yo pran bon jan mezi pou pini bandi sanfwa ni lwa sa yo. 

0 comments