crossorigin="anonymous">
 

OPS konseye Ayiti pran vaksen kont Kowona viris la


Òganizasyon Panameriken pou Sante (OPS) fè konnen mèkredi li bay Ayiti enfòmasyon detaye sou sekirite vaksen AstraZaneca a epi mande dirijan ayisyen yo rekonsidere desizyon yo pou yo pa aksepte vaksen an.


Dirijan ayisyen yo te eksprime dout yo sou vaksen AstraZaneca a aprè nouvèl ki fè kwè yo dekouvri plizyè boul san kay moun ki te pran vaksen an an Ewop.


Jarbas Barbosa, direktè adjwen òganizasyon rejyonal la fè konnen priyorite a pou yo se rann vaksen an aksesib pi rapid pou sove lavi popilasyon an. Li afime volonte yo pou yo travay ak peyi a, klarifye, bay epi pataje enfòmasyon yo genyen sou vaksen an.


Pi lwen li presize si Ayiti kanpe dèyè desizyon l' pou li pa aksepte vaksen an yap voye l' nan lòt peyi.


Dirijan OPS la di li yo te travay ak gouvènman ayisyen an pou yo te prepare plan vaksinasyon epi yo te konseye kèk mezi ki dwe pran pou pèmèt vaksen yo antre nan peyi a. Barbosa te fini pou l' di jiskaprezan dirijan ayisyen yo poko enfòme yo ofisyèlman yo pap aksepte vaksen an.

0 comments