crossorigin="anonymous">
 

Pès pòsin: Leta ayisyen entedi vyann kochon ki soti sendomeng antre nan peyi a


 

Delegasyon depatmantal lwès la, nan yon nòt pou laprès, fè konnen leta ayisyen entèdi pou vyann kochon ak tout pwodui ki fet avek vyann kochon yo antre nan peyi a.  


Pès pòsim afrikèn tounen nan zòn nan, fòk nou pran anpil prekosyon. Poutèt sa, delegasyon depatmantal lwès la mande pou tout enpotatè pwodui ki fèt ak vyann tankou: vyann Kochon, salami, janbon elatriye.. pou yo pa rantre ak pwodui sa yo sou fwontyè malpas la", se sa nou kapab li nan nòt sila. 


Pi lwen nan nòt sila, DDO souliye mezi sa yo konsène tout ti machann yo tou. Li anonse tou lap mete ak lot enstitisyon Leta ki pou fè respekte demach sila. 


Nap souliye, Ayiti pa sèl peyi ki pran desizyon sa fas ak maladi sila. Etazini, apre yo te fin konfime prezans pès pòsin nan repiblik dominikèn, te deside, li menm tou, nan dat ki te 29 jiyè pase a, entèdi tout vyann ki soti nan peyi sa, rantre lakay li. Kanada te pran menm desizyon an tou. 


Pès pòsin afrikèn nan se yon maladi kontajyez ki touye kochon. Li pa prezante okenn risk pou lòm. Malerezman pa gen okenn vaksen ni tretman kont li. 

 

0 comments