crossorigin="anonymous">
 

Pati politik PHTK kontinye ap mande jistis pou Jovenel Moïse

Pati Ayisyen Tèt Kale (PHTK), nan yon nòt pou laprès ki pibliye jodi 7 septanm nan, di yo konstate ak anpil lapèn 2 mwa aprè asasina prezidan Jovenel Moïse lakay li nan peleren 5 nan dat 7 jiyè 2021an, poko gen pyès avanse nan dosye a, pou rive arete, jije, e kondane jan lalwa mande sa moun ki kòmandite zak sa, e sila ki egzekite lòd pou asasinen ansyen chèf leta Ayisyen an.


Nan sans Pati Ayisyen Tèt Kale (PHTK) mande otorite lajistis yo san pèdi tan pou yo trennen douvan tribinal tout asasen yo soti nan sa ki planifye, peye, rive jouk nan sa ki egzekite plan kriminèl, malonèt sa. daprè Pati Ayisyen Tèt Kale PHTK rezilta ankèt sou zak asasinay ki fèt sou prezidan Jovenel Moïse, kondanasyon tout moun ki enplike nan zak sa, dwe sèvi egzanp pou tout lòt moun ki kwè se nan vyolans yo ka rezoud divèjans politk yo.


Pati Ayisyen Tèt Kale PHTK di li kwè peyi Dayiti nou vle a paka konstwi nan entolerans, vyolans ak enpinite, yo di yap kontinye egzije limyè sou lanmò prezidan Jovenel Moïse. Nan sans sa PHTK plede anfavè yon jistis ki fò endepandan ki pa dwe Yon zouti pou regle kont pèsonèl.


DANIEL DANIO

TANBOU VERITE

daniodaniel063@gmail.com

0 comments