crossorigin="anonymous">
 

Piblikasyon nan jounal monitè akò 11 septanm 2021 an

Premye minis Ayisyen an Ariel Henry pibliye nan jounal ofisyèl monitè akò pou yon gouvènman apeze e efikas nan yon titan li ap fè kòm chèf gouvènman an.

Nan yon nimewo espesyal le Moniteur ki soti nan dat 17 septanm pase a, Ariel Henry pibliye akò politik 11 septanm 202 an, pou yon gouvènans apeze epi efikas kote plizyè pati ak regwoupman politik te antann yo sou sa.

Nan akò sila yo presize yo se yon akò tout moun ladan pou rive kreye yon gouvènman estab pandan peryòd sa, nan menm akò sa responsab yo ta dwe reyalize eleksyon nan peyi a san koken kita ta dwe mete lòd nan konjonkti peyi a ye depi yon bon bout tan.


Pati politik ki siyen akò sila, deklare yo kwè nan yon bon gouvenans yo. Yo pa kwè jodia vyolans ka rezoud pwoblèm peyi Dayiti ye men pito dyalog, têt ansanm kap ede nou soti nan sa nou ye la.


Pi lwen moun kap gen pou fè pati gouvènman sila dwe gen entegrite, konpetan, boure ak esperyans moun sa yo pa dwe gen dout sou yo dapre akò a.


Nan menm akò 11 septanm nan Yap kreye yon komite ki ap gen nèf(9) moun kap gen je yo fikse sou travay gouvènman, épi ap pèmet kreyasyon tou yon fòs sekirite ki pral rapid rezoud pwoblèm ensekirite site a ap fè fas depi yon bon bout tan, epi dwe kreye tou yon konsey elektoral pou yon ti bout tan dapre aktik 289 konstitisyom peyi a, fòmasyon yon asanble ki ap gen 33 manm.


Kek pati ak regwoupman politik ki siyen ankò 11 septanm 2021: sektè demokratik la, KID, MTVAYITI, pati ayisyen Têt Kale (PHTK) LAPEH, INIFOS,VERITE, ak federasyon dyaspora a.


DANIEL DANIO

TANBOU VERITE

daniodaniel063@gmail.com

 


0 comments