crossorigin="anonymous">
 

Plizyè enstitisyon medikal ayisyèn ap mande liberasyon Doktè Valembrun


'Société Haïtienne d'Orthopédie et de Traumatologie, Hôpital Bernard Mevs et SAM Ambulance' nan nòt yo chak sòti 11 avril 2021 an kriye se twòp atò pandan yo egzije liberasyon prese prese san kondisyon Doktè VALEMBRUN. Enstitisyon medikal sa yo mande yon fwa ankò pou otorite konpetan yo k ap dirje nasyon an pou yo pran responsablite yo fas ak fenomèn sa yo kalifye inakseptab nan sosyete nou an.


Aprè zak kidnapin ki fèt sou Doktè Trevant Valembrun an, 'Hôpital Bernard Mevs' ak 'SAM Service ambulancier' anonse y ap fèmen pòt yo lendi 12 avril 2021 an pou pwoteste kont ka kidnapin sa ki se twòp atò daprè sa yo ekri nan diferan nòt yo.


Doktè Trevant VALEMBRUN te kidnape nan lannuit samdi 10 avril la vè 11 zè nan Delma 75. Enstitisyon medikal sa yo di yo eksprime gwo endiyasyon ak pwofon kolè fas ak kidnapin Doktè Trevant Valembrun an.


Jacky M. Fontaine

TANBOU VERITE

0 comments