crossorigin="anonymous">
 

Premye minis Ariel Henry anonse siyati akò politik li a pou 11 septanm

Premye minis Ariel Henry anonse siyati akò politik li a pou 11 septanm


Nan plizyè twit li fe sou paj li, Premye minis Ariel Henry anonse anfen siyati "akò politik pou yon gouvènans apeze epi efikas pou peryod enterimè a" ap fèt demen samdi 11 septanm 2021 an. 


Premye minis lan siyale sa rive posib apre li te fin rankontre plizyè lidè nan diferan pati politik ak òganizasyon fanm nan peyi a apremidi 10 septanm sa a.  


Pou rapèl, plizyè groupman politik te deja fè konnen yap reponn prezan demen pou parafe dokiman sa apre yon rankont yo te fin genyen avèk premye minis lan ayè vandredi 10 septanm nan.


Pami strikti politik sa yo ki pare pou siyen akò politik pou yon gouvènans apeze epi efikas pou peryod enterimè a,  nou jwenn MTV ayiti, SDP, PEN, CADOA. 


Daprè akò politik sa ap genyen yon konsèy 33 manm pami yo 10 senatè pou kontwole transizyon, reyalizasyon konferans nasyonal, nominasyon yon nouvo CEP, fòmasyon yon selil antigang/antiteroris elatriye. 


Toujou selon akò sa, eleksyon jeneral yo ap òganize nan fen ane 2022. 

0 comments