crossorigin="anonymous">
 

Premye Minis Claude Joseph rankontre plizyè reprezantan òganizasyon k ap defann dwa moun jodi lendi


Premye minis a.i. Dr Claude Joseph ap rankontre aktyèlman reprezantan divès òganizasyon k ap defann dwa moun sou sitiyasyon sekiritè peyi a, daprè sa nou li nan yon twit Laprimati fè jodi lendi 28 jen 2021 an.


Se yon rankont pou Chèf gouvènman ki la pou yon ti bout tan rekeyi, toujou daprè twit la, konpreyansyon defansè dwa moun yo parapò ak sitiyasyon ensekirite k ap vale tèren nan peyi a ak enplike defansè dwa moun yo nan batay kont gang ame yo ak pou retabli sekirite nan peyi a.


Kite nou raple, dènye jou sa yo fanmi ki nan plizyè zòn pami yo Matisan, Fontamara, Kafou, Gran Ravin, Tibwa, Kwadèboukè, ba Delma ap konnen yon moman difisil kote gang ame yo kontinye ap enpoze lwa yo ak simen latwoublay nan mitan popilasyon sivil la; yon sitiyasyon ki mete anpil fanmi ayisyèn ak dlo nan je.


Jacky M. Fontaine

TANBOU VERITE

0 comments