crossorigin="anonymous">
 

Prezidan Brezil la kondane pou li peye yon amand akoz li te vyole mezi sanitè yo

Jair Bolsonaro, prezidan brezilyen an, te patisipe pandan wikenn sa a nan yon karaván ki te reyini 300 000 moun nan Eta São Paulo. Yon mouvman ki te vyole mezi sanitè yo akoz patisipan yo pat respekte distans sosyal la ni yo pat pote kachnen.



"Pou libète, pou demokrasi epi akselere pou Bondye" se te modòd Bolsonaro te bay.


Avan l' te patisipe nan karaván nan prezidan an te salye patisipan yo epi pran kèk foto.


Aprè patisipasyon l' nan evènman sa a prezidan ap gen pou l' peye yon amand 502,71 reais (anviwon 108 dola) akoz li te vyole mezi sanitè ki vize anpeche Kowona viris la frape plis moun nan eta a.


Prezidan an ki te mande pou patizan l' yo leve kanpe nan tout peyi a avan eleksyon ane pwochèn yo te pase anba pye avètisman gouvènè São Paulo a, João Doria, yon advèsè politik Bolsonaro, ki te anonse prezidan an ap kondane pou li peye amand si li pa respekte règ eta lap dirije a.


Bolsonaro ak Doria toujou nan tire kòd akoz mezi ki pran pou frennen kowonaviris la ki deja touye prèske 485 000 moun nan peyi Brezil.

0 comments