crossorigin="anonymous">
 

Prezidan Jovenel Moïse deklare eta dijans sekiritè nan kèk zòn, pami yo, Vilaj de Dye

Updated: Apr 6, 2021


Nan lide pou fe fas ak zak banditis ak ensekirite kap fè raj nan peyi a, Prezidan Jovnel Moïse deklare eta dijans sekiritè nan plizyè zòn nan peyi a, pami yo, vilaj de Dye. 


Desizyon sa pran, jodi madi 16 mas 2021 an, nan yon konsèy Minis ki te fèt nan palè nasyonal la. Sa fè dezyem konsèy Minis ki fèt nan espas 2 jou sèlman. Prezidan di li detèmine pou li kwape ensekirite a. 


"Yon nouvo Konsèy Minis ekstraòdinè te fèt jodi a, nan Palè Nasyonal la, kote yon eta dijans sekirite te deklare nan tout zòn ki idantifye pa CSPN a ki gen ladan Vilaj de Dye... Nou detèmine pou pasifye peyi a", nou kapab li sou kont twitè prezidan.


Nan menm lide sa, yon jou avan, Lokatè palè nasyonal la te anonse adopsyon yon dekrè pou revize lwa sou eta dijans lan. 


Prezidan an te ekri sou twitè: "Mwen fèk prezide, nan Palè Nasyonal la, yon Konsèy Minis ekstraòdinè sou fenomèn ensekirite a. Pami mezi yo adopte: yon Dekrè pou revize Lwa sou Eta Ijans lan pou bay CSPN mwayen pou konbat bandi ak krim."


Nap raple Prezidan Jovnel Moise mande Nasyonzini ak OEA èd yo pou lapolis nasyonal. 

0 comments