crossorigin="anonymous">
 

Prezidan Jovenel Moise resevwa 12 bal




Daprè denye enfomasyon ki rive jwenn nou nan redaksyon  Tanbou verite, prezidan Jovenel Moise resevwa 12 bal nan men asasen li yo. 


Se jij de pè siplean Petyonvil la, Carl Henry Destin, ki te fè konsta legal la sou rekizisyon komisè gouvènman a.i a, Me. Claude Bed-Ford. Li te rive sou lye krim nan a 10h37 epi li te òdone leve kadav la a 5è apremid. 


Daprè konsat legal la, Prezidan Jovenel resevwa 12 bal kalib 5.56 ak 9mm. Li pran youn nan zorey goch li, youn nan fwon li, plizyè nan vant li, nan bra dwat li, nan janm goch li ki kase. Epi yo jwenn je goch li pete.  


Toujou selon Jij Destin, Asasen yo tire anpil sou kay. Sal a manje, chanm a kouche, sal konferans, tout tèt anba epi chaje twou bal. Yo sakaje kay la epi pote ale avek yo plizyè malèt.  


Nan moman asasen yo te  antre nan kay la, pitit fi ak youn nan pitit gason Prezidan te nan kay la, men chans pou yo, yo pa gen anyen. Pou moman nap ekri atik sa la, nou konfime tout pitit fanmi prezidansyel la deja kite peyi a ansanm ak premye dam nan ki florid( Etazini) ap pran swen.

0 comments