crossorigin="anonymous">
 

Ralph Teddy Erol resevwa pri pi bon fotojounalis

Ralph Teddy Erol, fondatè Ted’Actu, sakre loreya nan yon konkou Kolektif 2D te òganize an patenarya ak Wellcom nan lide pou onore fotojounalis yo pou travay yo.


Kolektif la te lanse konkou sa a nan dat 15 avril pase a. Kòm tèm prensipal, foto yo te dwe entegre kesyon dwa moun nan peyi e yo te dwe antre tou nan youn nan tematik yo te kenbe yo. Foto kap patisipe nan konkou a ted we fèt soti premye oktòb 2020 pou rive 15 avril 2021.


Jiri konkou a te gen ladan l’ Dieu Nalio Chéry, Frantz Duval, Marbelis Roa, Gotson Pierre, Pauline Lecarpentier, Widlore Mérencourt ak Josué Azor.


Ralph Teddy Erol, William Charles, Edens St-Louis, Lesly Dorcin, Emmanuel Fritzgerald, Tcharly Courtin, Odelyn Joseph, Denilson Mentor ak Richard Pierrin se te kèk nan konkiran yo.

Rezilta konkou a bay lendi 3 me a e Ralph Teddy Erol fè dekabès lè l’ ranpòte premye pri a ansanm ak pri piblik la.



Ralph Teddy Erol se orijinè vil Okay, li etidye nan lekoòl pwofesyonèl Canado a ak nan IFJ. An 2019, li te klase pami 20 jèn ki pi enfliyan pou ane a. Anpil moun souvan vante kalite foto Ralph Teddy Erol yo. Ak Ted’Actu, li se youn nan jounalis entènot yo fè plis konfyans. San bliye enplikasyon l’ nan plizyè aksyon imanitè.


Nan pwopo li te genyen pou sikonstans lan, gayan te fè yon ti rale sou malè ki pandye sou tèt fotojounalis yo nan pratik pwofesyon sa a sitou, jan li deklare l’ la, « kamera pa janm bay manti ».



Luckson VALCOURT

valcourtlucks@gmail.com

0 comments