crossorigin="anonymous">
 

Rapè ameriken an, DMX, mouri a 50 lane

Earl Simmons, tout moun konnen sou non DMX, mouri jodi vandredi 9 avril la. Yo te kouri lopital avè l' an ijans semèn pase a aprè l' te fin sibi yo kriz kadyak.


Aprè nouvèl lanmò a te fin pran lari, fanmi l' te konfime sa pou medya ameriken yo.


Nan yon kominike, fanmi an te ekri:"Nou tris anpil pou nou anonse lanmò DMX, bon non l' se Earl Simmons, nan White Plains Hospital (Nan New York) ak tout fanmi l' bò kote l'."


Nan menm kominike a yo di tou:"Earl se te yon gèrye ki te goumen jiskobou. Li te renmen fanmi l' ak tout kè l' e nou te bay tan nou te pase avè l' yo anpil enpòtans. Mizik li yo te enspire anpil fanatik toupatou sou latè e eritaj li ap rete pou toutan."


DMX te youn pami latriye rapè ki te parèt New York nan ane 90 yo. Bit li yo te lou, yo te gen sou yo gwo pawòl sou reyalite lari a.


Li grandi New York. Lè l' te timoun nan fanmi l' te konn gen anpil vyolans, mete sou sa li te konn gen pwoblèm ak lapolis.


Li te kolabore ak anpil atis tankou Jay-Z, LL Cool J ak Ja Rule. Nan fen ane 90 yo, DMX te vin Yon rapè selèb. Nan menm epòk sa a li te mete yon fren nan pawòl vyolan ki te konn genyen nan mizik li yo.


Sòti 1998 pou rive 2003, 5 nan albòm li yo te bat rekò vant Ozetazini.


Nan dènye ane rapè a te pèdi nan popilarite l', li te gen pwoblèm ak lajistis, san konte li te gen pwoblèm akoz li te konn pran dwòg.


DMX te aktè tou. Li te jwe nan "Corruption New York" ak Steven Seagal (Niko) epi ak Jet Li nan "Against Time" ak "Romeo Must Die".

0 comments