crossorigin="anonymous">
 

RNDDH pibliye rapò sou sa ki te pase nan lannuit 29 jyen 2021 an

Tanbou Verite te fè yon rezime de rapò a :

Nan lannuit 29 pou rantre 30 jyen an, nan 3 zòn diferan 3 asasina fèt preske nan menm tranch lè: Nan Dèlma 32, Kriswa, Avni N, nèg ak zam ke yo pa rive idantifye touye o mwen 19 moun, ak fè yon blese.


Nan Dèlma 32, 3 moto ki gen yo chak 2 pasaje ame sou yo ouvri katouch sou moun ki nan lari yo. O mwen 14 moun mouri sou plas, epi youn mouri lopital.

Nan ri Akasya, Kriswa, yo touye 3 moun. Selon sa moun nan zòn yo fè konnen, se manm gang Krache dife ki kòmèt zak sa yo.


Nan moun ki mouri yo, nou genyen: Jounalis Diego Charles, ki resevwa 2 katouch, e mouri devan baryè lakay li.

Marie Antoinette Duclaire, jounalis, militant polititk, feminis, resevwa 7 katouch, li mouri nan machin li (a note ke machin lan pa gen okenn enpak bal sou li) .

Seighmel Fanelson Sal-Doli ki te kanpe bò machin Antoinette la pran 4 katouch.

Frantz Coffy, ki se yon chofè a dwat nan kamyon pran ton bal nan tèt, chofè kamyon an touche men yo te kouri avèl lopital. Gregory Mizaine, Luc Bien-aimé mouri nan stasyon moto ki dèlma 32 a. Maxnold Guillaume kj se gran frè atis Rutshelle Guillaume, te touche, men li mouri lopital. Ralph Tham, ajan sekirite Eclipse Bar, mouri pandan l te ap antre lakay li. Anderson Gregoire, Odnel Gregoire ki se 2 frè, yo te nan stasyon moto a, se la yo mouri. Junior Pierre Jean Hubert, Luiras Scipion, Fauline Charles Claude, Cavens Geffrard, Yvnol Leger, tout moun sa yo mouri nan 32 nan masak sa.


Nan tout moun sa yo ki touche , selman Wilguens Polynice ki sove paske yo te mennen l lopital a tan.


RNDDH kondane zak sa yo, e mande DG PNH la pou l sispann fè konlizyon san reflechi sa yo, nan lage chay masak sa a sou do polisye 509 fantom yo.

Li pwofite pou mande ke limyè fèt sou dosye lanmò sa yo, e li mande pou tout moun mobilize pou fè respekte dwa pèp la.

0 comments