crossorigin="anonymous">
 

Robenson Bertrand, Ronel Paul ak Marie-André Bélange se non 3 loreya konkou repòtaj sou ekonomi...

Seremoni pou remèt pri premye edisyon konkou repòtaj sou ekonomi ak finans Asosiyasyon Ayisyèn Jounalis Ekonomik pou Devlopman Dirab (AHJEDD) te dewoule jedi 26 dawout 2021 an nan Petyonvil.


Robenson Bertrand (katogori près ekrit), Ronel Paul (kategori odyovizyèl) ak Marie-André Bélange (kategori radyo), se twa prensipal gayan premyè edisyon konkou sila.


Nan twa (3) loreya konkou sa, yon gayan sòti an pwovens. Premye gayan ki se Robenson Bertrand se jounalis Haïti24; dezyèm loreya, Ronel Paul, jounalis Radio Référence nan Gonayiv; Marie-André Bélange se jounalis Radio Vision 2000 nan Pòtoprens.


A travè konkou sila, òganizatè yo te vle ankouraje jounalis, twa kategori, ki entèrese ak sijè ki pòte sou ekonomi ak finans.


50 patisipan te nan lit pou premye plas la nan kad konkou sa ki te lanse nan dat 14 me 2021an. Aprè premye eliminasyon yo, li te vin rete ak kenz( 15) epi finalman 3 gayan yo.


Jacky M. Fontaine

TANBOU VERITE

0 comments