crossorigin="anonymous">
 

Rockfeller Vincent pwomèt 6 milyon goud pou moun ki ede lapolis jwenn Wendelle Coq Thélot, Joseph...

Updated: Aug 27, 2021

Mins Jistis ak Sekirite Piblik la, Rockfeller Vincent, nan yon twit li fè jedi 26 dawout 2021 sa a, deklare MJSP ap bay, nenpòt moun ki ede Lapolis jwenn 3 fijitif enpòtan sa yo: Wendelle Coq Thélot, Joseph Félix Badio, John Joël Joseph, yon rekonpans 6 milyon goud."


Minis Jistis la Rockfeller Vincent, toujou sou kont Twitè li, raple twa (3) pouvwa Leta yo endepandan. Li fè konnen nan sa ki gen a wè ak dosye asasina Jovenel Moïse la se lajistis selman ki gen dwa di sa nou rele nan lang fransè a "le mot du droit".


Yon fason pou minis Vincent lanse yon pinga bay nenpòt moun ki ta vle fè pwosè a nan laprès.


Mete sou sa, Nimewo 1 Ministè Jistis ak Sekirite Piblik avèti tout moun kap fè entimidasyom ak tantativ pou bouye pis yo, paske ofinal se lajistis kap ranpòte la viktwa. "Une bête traquée prend souvent des initiatives désespérées, mais la Justice finira par triompher."


Pou rapèl, pami moun ki te gen manda mennen vini dèyè yo, nou jwenn jij lakou kasasyon Wendelle Coq Thélot, ansyen senatè John Joël Joseph, Joseph Félix Badio, Liné Baltazar ki se prezidan pati PHTK, Paul Denis ki se dirijan pati politik INIFOS, òm dafè Samir Handall, pastè Gérald Bataille, pastè Gérard Forge.


Jacky M. Fontaine

TANBOU VERITE

0 comments