crossorigin="anonymous">
 

SDP mande otorite yo ede an ijans viktim tranbleman tè 14 dawout la

Sektè Demokratik ak Popilè, nan yon nòt li pibliye dimanch 15 dawout 2021 sa a, prezante senpati li ak tout viktim tranblemann tè 14 out la. Li pwofite pou mande otorite konpetan yo pou pran pran tout mezi ijan pou vini an èd ak viktim sa yo.


Nan nòt sila, SDP lanse yon apèl ijan ak tout otorite yo pou pran tout mezi nesesè pou vini an èd ak blese epi moun ki pèdi yon manb nan kò yo nan twa (3) depatman jewografik peyi a ki pi touche aprè pasaj tranbleman tè jounen samdi 14 dawout la.


Yon lòt bò, Sektè Demokratik ak Popilè a mande òganis imanitè nasyonal ak entènasyonal yo tou pou entèveni pou sove vi moun nan peyi a.


Nou kapab li nan nòt sila: " Li endispansab pou sikilasyon reprann nan Matisan pou fasilite aksè ak depatman sa yo ki touche."


SDP mande pou otorite Leta yo fè yon bon jesyon de resous piblik la nan okazyon kastastwòf sa.


Sektè Demokratik ak Popilè a ensiste pou mande popilasyon rete vijilan, yon fason pou evite èd ki pou viktim tranbleman tè 14 dawout yo fè wout kwochi menm jan sa te fèt lè tranbleman tè 12 janvye 2010 a.


SDP, nan nòt sila, renouvle soutyen l ak viktim epi fanmi yo pandan li pwomèt yo lap travay pou pemèt viktim yo, an ijans, resevwa asistans nesesè.


Moun ki siyen nòt sa a: Ricard Pierre, Nenèl Cassy, Antonio Cheramy, Marjory Michel, Rony Colin ak André Michel.


Jacky M. Fontaine

TANBOU VERITE

0 comments