crossorigin="anonymous">
 

Sekretè jeneral ONU an mande pou yo pran yon enpo sou moun ki fè pwofi akoz kowona viris la



Lendi 12 avril la, Antonio Gutierres, sekretè jeneral ONU, deklare lemond echwe akoz yo pa rive mete tèt yo ansanm pou konbat kowona viris sa ki lakoz genyen gwo inegalite.


Yon lòt kote, li mande pou gen yon aksyon rapid kont pandemi ak yon enpo sou richès yo pou ede konbat maladi a nan mond lan.


Chèf ONU an deklare selon dènye rapò yo se 5 000 milya dola ki ogmante sou lajan moun ki pi rich pandan ane ki sot pase a.


Li mande gouvènman yo pou yo fè yon solidarite oswa yon enpo sou fòtin pou moun ki te fè gwo pwofi pandan pandemi konsa ya diminye inegalite yo.


Deklarasyon sa yo vini 6 mwa aprè David Beasley, direktè egzekitif PAM nan, te fin lanse yon apèl pou 2000 milyadè nan mond lan pou yo fè yon ouvri kanè bank yo paske grangou pral fè gwo dega pou 2021 an.


Nan kèk chif li bay, Gutierres montre otorite mondyal yo echwe nan jesyon pandemi an. Kòm egzanp li pran koze vaksen kote 10 peyi regwoupe 75% moun ki vaksinen yo.

0 comments