crossorigin="anonymous">
 

Selon André Michel, se SDP ki fè revoke Rockefeller Vincent, Bed-Ford Claude ak Rénald Lubérice

Nan yon konferans Sektè Demokratik e Popilè (SDP) a bay jodi jedi 16 septanm nan, Mèt André Michel fè konnen SDP siyen akò 11 septanm nan pou kapab debloke peyi a. Li deklare tou se estrikti li ladanl lan ki revoke Minis Jistis ak Sekirite Piblik la, Rockefeller Vincent, Sekretè Jeneral Konsèy Minis yo Rénald Lubérice epi Komisè Gouvènman Pòtoprens lan, Bed-Ford Claude.



Konferans pou laprès sa te bay nan objektif pou SDP explike rezon ki te pouse l siyen akò 11 septanm nan. Daprè deklarasyon Pòt pawol SDP a, Mèt André Michel, SDP siyen akò sila paske li pote tout revandikasyon pèp la.


Pòt-pawòl SDP ki tap explike youn nan rezon SDP siyen akò 11 septanm nan se paske li pap nan tete lang ak yon seri pesonalite, deklare o pasaj se SDP menm ki fè revoke ansyen minis Rockefeller Vincent paske li te opoze ak liberasyon prizonye politik yo epi anpeche plizyè dosye abouti tankou dosye petwokaribe a, asasina Batonye Monferrier Dorval la, ak dosye masak Lasalin, Bèlè, Site Solèy, Dèlma 32.


André Michel ki pat sispann jwenn aplodisman plizyè militan sipòtè ki te prezan nan lokal SDP a pou Konferans sa, deklare "ako 11 septanm nan se akò pèp la." Mèt Michel fè konnen SDP pat janm ap kouri deye pouvwa ni pòs prezidan, ni pòs premye minis. "Se revandikasyon pèp la ki te toujou priyorite nou nan SDP, se pou sa nou siyen akò a, paske li pote tout revandikasyon pèp la."


Yon lòt bò, André Michel ki pat rate okazyon pou fe lwanj transparans ki gen nan SDP, te pwofite choute sou òganizasyon ak pèsonalite nan sektè prive a kap negosye anba tab avek premye minis lan. " Nan SDP nou fè afè nou nan transparans pandan anpil lot òganizasyon ak pèsonalite nan sektè prive ap negosye anba Tab avek Ariel Henry. Yo pa siyen akò pou pèp la pa konprann jwèt yap jwe a."


Nan yon lide rekonsilyasyon nasyonal ak inite, André Michel lanse yon apèl bay tout lot pesonalite, Oganizasyon ki te deja siyen akò Montana, pou vini siyen akò 11 septanm nan paske "twòp akò pap sèvi anyen."


Jacky M. Fontaine

TANBOU VERITE

0 comments