crossorigin="anonymous">
 

Sen-Mak/ plizyè lekòl louvri pòt yo lendi 6 septanm 2021

Yo se divès lekòl ki louvri pòt yo lendi 6 septanm 2021 an, nan vil Sen-Mak pou akeyi elèv yo pou ane akademik 2021 - 2022 a, kontrèman ak sa otorite yo nan leta te anonse.


Nan yon rankont ak laprès nan jou pase yo otorite yo te deside aprè yon reyinyon ant minis yo pou louvri lekòl la nan dat 21 septanm pou 7 depatman ki pat touche nan tranbleman tè 14 out pase a, e yo te kenbe 4 oktòb pou lekòl la ouvri nan 3 depatman kite vrèman frape nan pasaj tranbleman tè a.


Malgre desizyon otorite yo pran gen direksyon lekòl ki fè timoun yo vin lekòl ak rad oubyen inifòm. Nap soulinye se pa selman nan depatman latibonit kèk lekòl louvri pòt yo. Daprè yon kolaboratè TANBOU VERITE, nan nivo komin delma gen divès lekòl kap fonksyone jounen lendi 06 septanm 2021 an.


Pou anpil paran leta ayisyen ta dwe akonpanye paran yo paske ane a te difisil pou anpil nan yo akòz kriz politik ak ekonomik yo ap fè fas.


Kite nou raple tou nan depatman latibonit gen anpil responsab lekòl ki pran desizyon jan leta swete sa pou yo louvri pòt lekòl yo 21 oubyen 22 septanm ane sa.


DANIEL DANIO

TANBOU VERITE

daniodaniel063@gmail.com

0 comments