crossorigin="anonymous">
 

Sen-Mak/Lanmò Clotaire Celeus

Updated: Apr 11, 2021


Gwo bonè nan maten samdi 20 mas la, lapolis fè Clotaire Celeus bwè dlo bouch li.


Clotaire Celeus ki espesyalize l' nan rale zam sou moun epi dechèpiye yo tap opere ak yon lòt konpayèl li ki te sou yon moto Haojin wouj. Se nan menm moman an yon patwouy lapolis vin ap parèt. Clotaire Celeus ouvè katouch sou machin lapolis san ezite. Lapolis te reyaji e nan echanj sa a, Clotaire Celeus resevwa plizyè katouch nan do ak nan tèt. Chofè a li menm chape poul li.


Plizyè moun pami yo kèk chofè taksi moto temwanye Clotaire ak yon lòt akolit li te deja rale zam sou yo e pran ti resèt yo te fè a.


Clotaire Celeus se prezidan yon gwoup ki rele Pitit manman Ste- Anne Charitable ki tabli kò l' nan Bwa Machan nan Gonayiv. Se manbo Jasmine Hablard kap dirije gwoup sa a.

Ensidan sa a rive anfas ansyen baz minista sou wout pivè a.


Aprè konsta, Jij depè Jacques Edouard akonpanye ak grefye Enock te bay lòd pou leve kadav la pou al depoze l' nan mòg lopital Sen Nikola nan Sen mak.


Daniel Danio

Latibonit

Tanbou Verite

0 comments