crossorigin="anonymous">
 

Sena repiblik la nome Joseph Lambert Prezidan pwovizwa peyi dayiti

Updated: Jul 20, 2021



. .

Nan yon rezolisyon  wit senatè adopte ala majorite, zewo senatè kont epi de fè abstansyon, jodi 9 jiyè 2021 an, sena repiblik la nome Senatè Joseph Lambert kòm prezidan Pwovizwa ay

iti ki pou ranplase Jovenel Moïse yo asasinen 7 jiyè pase a. 



Men kisa ki ekri nan rezolisyon an: nouvo Prezidan pwovizwa, sonnekselans Joseph Lambert, ap prete sèman konstitisyonèl devan asanble senatè yo, an prezans otorite ki konstitye yo, lidè sosyete sivil la ak klas politik la."


"Senatè yo, chwazi  kòlèg yo  joseph lambert, ki te jwenn manda pèp la kòm senatè repiblik la, pou ranpli fonksyon prezidan pwovizwa repiblik ayiti jiskaske paleman antre an fonksyon dezyèm lendi janvye 2022 ak yon nouvo prezidan eli, 7 fevriye 2022."

 

Pi lwen, rezolisyon sa fè konnen depi Lambert fin prete sèman, l'ap enstale touswit nan fonksyon li nan palè nasyonal. Prezidan pwovizwa ap antre an konsiltasyon avèk divès sektè nan vi nasyonal la nan objektif pou fòme yon gouvènman antant nasyonal ki ap gen pou responsabilite pou egzekite politik piblik ki adapte ak enterim nan. 


Senatè yo fè konnen tou, nan rezolisyon an  yon konsèy elektoral pwovizwa ki pral chita sou modèl konstitisyonèl la, ap pran nesans nan kenz (15) jou. Dekrè elektoral la ap pibliye pou pita dènye semèn mwa jiyè a. Retabli Sekirite ak òganize eleksyon kredib byen rapid se 2 priyorite gouvènman pwovizwa.


Senatè yo fè konnen y'ap voye rezolisyon an nan Sekretarya jeneral palè nasyonal la, y'ap voyel tou bay direktè jeneral polis nasyonal la ansanm ak tout reprezantasyon diplomatik yo. 

. .

0 comments