crossorigin="anonymous">
 

Senatè Chuck Schumer mande pou Biden kanpe sou rapatriman Ayisyen yo

Lidè blòk majoritè nan Sena ameriken an, Chuck Schumer, lanse, madi 21 septanm 2021 an, yon apèl bay Prezidan ameriken an, Joe Biden, pou mande l kanpe sou rapatriman migran Ayisyen yo.


Senatè Chuck Schumer ki sanble endiye fas ak sitiyasyon sa deklare "se trè movè", tretman yo bay Ayisyen yo k ap kouri pou vyolans ak katastwòf natirèl nan peyi yo.


Li enpòtan pou nou souliye, plizyè milye migran Ayisyen yo te kenbe sou fwontyè Etazini-Meksik jwenn liberasyon yo, daprè Associated Press. Migran Ayisyen sa yo pral gen pou prezante nan Imigrasyon Etazini nan pwochen 60 jou yo, toujou daprè sa ajans près la rapòte.


Dimanch 19 septanm 2021 an, otorite nan peyi Etazini kòmanse rapatriye plizyè santèn Ayisyen ki te twouve yo sou fwontyè ki separe Meksik ak Etazini. Anpil vwa leve nan mond lan pou mande administrasyon Biden lan kanpe sou rapatriman Ayisyen yo.


Jacky M. Fontaine

TANBOU VERITE

0 comments