crossorigin="anonymous">
 

Top 10 pi gwo estad foutbòl nan mond lan

Nan peyi kote moun plis konsome foutbòl, yon senp ti match sifi pou plen yon stad. Foutbòl se espò ki popilè nan mond lan, gen pou piti 3,5 milya moun ki fanatik foutbòl.Kidonk, fò k ekip foutbòl gen kote pou mete moun.Sa rive souvan,nan yon match foutbòl, nou jwenn ti slogan nou an '’ kwense moun mete moun '’. Maracaná ki se pi gwo stad nan Amerik latin nan, an 1958 nan final CDM ki te opoze seleksyon Brezil la ak ekip Uruguay la, te atenn yon chif de 200 000 moun alòske stad la pa menm gen 100 000 plas. Se te yon rekò menmsi jou sa anpil moun te pèdi lavi yo. Jounen jodi a, gwo stad yo ka pran ant 87 000 jiska 150 000 moun. An nou al wè ansanm 10 pi gwo stad foutbòl ki gen nan mond lan. N ap raple w nou plis met aksan sou stad kote foutbòl se enterè prensipal la. 10 | Stade nationale Bukit Jalil ( Malaisie)

Ak yon kapasite de 87 411 plas, Bukit Jalil ki twouve l nan Kuala Lumpur, ansyen kapital peyi Malaise, se 10e stad foutbòl ki pi gwo nan mond lan. Li te inogire an 1998 pou te resevwa final tounwa Common wealth la. Aktyèlman, li se pi gwo stad nan Sidès Azi e li se stad seleksyon nasyonal la nan peyi Malaisie.

9 | Estadio Azteca ( Mexique )

Nou jwenn stad sa nan kapital peyi Mexique, Mexico. Stad sa ki te inogire an 1966 gen yon kapasite de 87 523 plas. Yo rekonèt stad sa sitou pou de final CDM li resevwa deja yo, 1970 kote ke brezil ta pral pran 3e CDM li epi 1986 kote ke Diego Armando Maradona ta pral briye ak seleksyon Ajantin lan. 8 | Gelora Bung Karlo ( Indonésie )

Stad ki gen 88 000 plas twouve l nan sant Jakarta ki se kapital peyi Indonésie. Li se pi gwo stad peyi a e se premye prezidan l lan ki te ba l non sa.





7 | Stade Azadi ( Iran )

Stad sa se stad seleksyon nasyonal Iran an. Li se stad de ekip sa yo tou : Esteglhal FC ak Persepolis FC. Stad sa ki twouve l nan Li kapital la, Téhéran,ka pran jiska 90 000 moun.


6 | Wembley stadium ( Angleterre )

Nan vil Londres, kapital peyi rèn Elizabeth la, nou jwenn stad Wembley ki ka pran 90 000 moun. Stad sa te konstwi an 1923 men yo te restore l ant 2002 a 2007. Wembley se stad prensipal seleksyon angletè a e l se 2e pi gwo stad an Ewòp.

5 | Rose Bowl ( USA )

Pasadena nan Californie, se la nou jwenn Rose Bowl stad sa ki akeyi ni match foutbòl Ameriken ni match foutbòl ke nou tout konnen an. Nou raple n sitou de final CDM sa ki te jwe nan stad sa, an 1994, kote ke Brezilta pral pran 4e CDM li. Stad sa ka pran jiska 92 542 moun. 4 | FNB Stadium ( Afrique du Sud )

Stad sa ki nan vil Johannesburg se pi gwo stad nou jwenn an Afrik. Restorasyon stad sa te bout an 2009 pou CDM 2010 la. Stad sa ke yo konnen tou sou non Soccer City gen yon kapasite de 94 736 plas.

3 | Camp Nou ( Catalogne )

Si Real Madrid se mèt afè nan LDC ( Ligue des Champions ),ebyen fanatik Barcelone yo ka ouvè kò pou yo di se yo ki number one nan zafè an Ewòp. Avèk yon kapasite de 99 354 plas, Camp Nou se pi gwo stad ki gen an Ewòp. 2 | Salt lake stadium( Inde )

Inde se dezyèm peyi ki gen plis moun nan mond lan, li se tou dezyèm peyi nan koze stad. Nan vil Calcutta lokalite Bengale, nou jwenn dezyèm pi gwo stad nan mond lan ki ka pran jiska 120 000 moun. Yon chif ki pasab lè n konnen ke vil sa sèlman depase popilasyon ayisyèn nan koz li gen 16 milyon moun k ap viv ladann e pifò se fanatik Atlético de Calcultta ki gen stad sa nan men l. 1 | Stade du Premier-Mai ( Corée du Nord )

Nan peyi Kim Jong Un, diktatè sa ki pa sispann fè pale de li, nou jwenn pi gwo stad nan mond foutbòl la. Chif ofisyèl la fè konnen ke stad sa ka pran 150 000 moun, menmsi gen chif ki fè konnen se 114 000 plas


ki genyen. Nan Corée du Nord, sa otorite yo di se sa. Kidonk, stad sa, aktyèlman se pi gwo stad ki gen nan mond lan.

Ki stad ou te espere wè nan top 10 sa ? N ap raple w nan 5 gran chanpyona yo ( Liga BBVA, Première Ligue,Série A, Bundesliga, Ligue 1

), se sèl FC Barcelone kòm klèb foutbòl ki retwouve l nan top 10 sa. Epi Wembley stadium pa pou okenn klèb foutbòl se pito stad nasyonal peyi Angletè. Nou te kontan pataje ti enfòmasyon sa yo avè w.


Redaktè– Luckensly LUMA

 

0 comments