crossorigin="anonymous">
 

Tranbleman tè 14 Out: Taiwan bay Ayiti 25 tòn èd imanitè

Nan yon jès solidarite ak viktim yo nan Gran Sid la, gouvènman  Taiwan nan fè Ayiti kado, jodi  7 septanm nan,  25 tòn èd imanitè. Se Premye Minis Ariel HENRY, akonpaye ak Minis Zafè Etranje a Claude JOSEPH ak Minis Kilti ak Kominikasyon an, Jean Emmanuel JACQUET, ki te resevwa don sila.


Anplis de sa, gouvènman Taiwan pwomèt lap sipòte gouvènman ayisyen an nan rekonstriksyon  Gran Sid la ki detwi apre tranbleman tè  14 out la. Gouvènman Taiwan deklare li vle rete bo kote pèp ayisyen an.


Pa bò kote pal, Premye Minis Ariel Henry, nan non gouvènman ayisyen an,  di li  trè kontan resevwa nan men gouvènman Taiwan lan don 25 tòn ekipman sanitè ak materyèl ijans sa. "Nan non gouvènman Ayisyen an, se ak anpil plezi mwen resevwa nan men gouvènman Taïwan vennsenk (25) tòn ekipman sanitè ak materyèl ijans ke gouvènman taywanè a fè nou kado."


"Mwen vle remèsye anbasad Taïwan, pou èd sa a, ki gras ak yo, viktim tranbleman tè nan Gran Sid peyi a pral benefisye."


Premye Minis la kontinye poul di ,yon lòt fwa ankò, gouvènman an akeyi efò, solidarite ak èd mityèl nan men zanmi Ayiti yo.  "Pèp la rekonesan anvè Taiwan pou divès pwojè koperasyon li yo. 


Yon lot bò,  Ariel Henri di gouvènman taiwanè  an fè lwanj pou gouvènman ayisyen an pou fason li te jere èd yo. "Nou pral rebati lekòl yo. Nou mete an plas yon gwo pwogram pou nou debleye. Nou ap avanse trè vit pou timoun yo pa pèdi ane lekòl la."

0 comments