crossorigin="anonymous">
 

Tranblemann tè 14 out: Lafrans ak Kanada di yo prè pou  yo ede Ayiti

Samdi maten 8h30 tè a tranble ak yon mayitid 7.2, lakoz anpil moun mouri, plizyè lot blese san konte divès dega materyèl yo. Daprè denye bilan Pwoteksyon sivil la, genyen plis pase 700 moun ki pèdi lavi yo ak 2800 lòt blese. Fas ak evènman terib sa a, Lafrans ak Kanada di yo prè pou yo pote èd yo bay Ayiti.  Nan yon mesaj li pibliye sou kont twitè li, Prezidan Fransè a, Emmanuel Macron senpatize epi eksprime solidarite li ak pèp ayisyen an nan moman difisil sa a. "Aprè tranblemann tè kriminel an Ayiti a, panse nou yo ale jwenn moun ki pedi yon pwoch ak sila ki temwen kay yo, ak yon pati nan vi yo kap kraze. Lafras ap kontinye rete bò kote Ayiti ak pèp ayisyen an epi prè pou pote soutyen li." Yon lot bò, Premye minis kanadyen an, Justin Trudeau, ale nan menm sans lan.  Men sa li twite: "tout moun tranblemann tè kriminel sa a touche an Ayiti nan panse kanadyen yo. Avek tout kè nou, nou kanpe bò kote sila ki pèdi pwòch yo, ak silaki blese yo. Nou prè pou nou pote èd nou nan tout fason posib yo." Nap raple  Etazini gentan deplwaye, nan depatman ki afekte yo,  yon ekip ki gen ladanl 65 moun ki pote  52 000 liv zouti spesyalize, ekipman ak founiti medikal pou ede nan operasyon rechèch yo.   Nan mesaj li pibliye sou twitè, administratris USAID a, Samantha Power, presize, entèvansyon Etazini nan kontèks sila a,  ap fèt an kowòdinasyon avek gouvènman Ayisyen an, anbasad amerikèn an Ayiti ak lot aktè. 

0 comments