crossorigin="anonymous">
 

USA: Polisye ki te touye George Floyd kondane poul pase 22 lane edmi nan prizon

La jistis amerikèn kondane Derek Chauvin, polisye blan ki te touye Georges Floyd la poul pase 22 lane edmi nan prizon. Pou prezidan ameriken an Joe Biden santans lan jis. Ben Crump ki se Avoka fanmi Floyd salye desizyon sila. Pou Crump se yon desizyon istorik. 



Jij Peter Cahill fè konnen li pa pran desizyon sa ni sou baz emosyon, ni sou baz opinyon piblik. Li fè konnen li pap cheche voye okenn mesaj. Li deklare li kondane Derek paske misye abize de pozisyon konfyans ak otorite li, li aji avek anpil Mechanste devan anpil timoun epi kolèg travay li yo te edel. 


Nan mwa avril ki sot pase a yon tribinal te rekonèt Derek Chauvin koupab pou twa chèf akizasyon yo te kenbe kont li yo. Depi lè sa a li fèmen nan yon prizon nan Minneapolis.


Nap raple nan jou ki te 25 me 2020 an, nan Minneapolis, yon eta ameriken, Derek Chauvin te arete Floyd paske yo te sispèk li tap achte ak yon fo biyè 20$. Malgre Derek te fin metrize Floyd li te kontinye peze jenou li sou kou li atè jiskaske li touye l. Lanmo sa te fè gwo tole nan mond lan. 


Moun ki te temwen sèn nan pat sispann mande gras pou Floyd ki pat sispann di li paka respire, men polisye a pat tande li pat wè. Gras ak yon jèn fi ki te filme sèn nan, le mond antye te kapab reviv aksyon sa. Sou tout rezo yo, video a tap pataje.

0 comments