crossorigin="anonymous">
 

Vladimir Poutine di Etazini pwovoke yon trajedi nan peyi Afganistan

Prezidan peyi Risi a, Vladimir Poutine, deklare nan mitan semèn sa a entèvansyon militè Etazini an nan peyi Afganistan an abouti a yon trajedi, lanmò epi montre li enposib pou yon peyi enpoze valè l yo a lòt nasyon yo.


Pandan yon chita pale ak kèk adolesan nan yon lekòl nan zòn lès Larisi, Poutine deklare li konsidere Etazini pa rive rapwoche yon peyi Inyon Sovyetik te anvayi, an referans ak Afganistan.


« Sòlda ameriken yo prezan sou teritwa sa a depi 20 lane e depi 20 lane yap eseye sivilize moun kap viv ladan l, transmèt yo pwòp règ yo ak abitid yo nan tout sans mo a, yo menm vle enpoze yo kijan pou yo òganize epi jere sosyete a», se sa prezidan an te di pandan diskisyon an.


Poutine ajoute :« Rezilta a pa lòt bagay sinon trajedi ak lanmò pou sila yo ki te al nan misyon sa a, sòlda ameriken yo, e sa pi mal toujou pou moun kap viv sou teritwa Afganistan an. Rezilta a se zewo, pou m' pa di negatif».


Selon Vladimir Poutine, Moskou aprann de dezas Inyon Sovyetik nan Afganistan e l pa gen plan pou li voye twoup li yo nan peyi a. Prezidan an te deklare tou li enpòtan pou li pran an kont listwa, kilti ak filozofi lavi moun tankou afgan yo lè yap negosye ak yo. Li te fini pou l di :« Li pa posib pou ou enpoze yo okenn bagay ki sòti lòt kote».

0 comments