crossorigin="anonymous">
 

Wout nasyonal #1 an nan Komin monwi bloke depi yèswa


 

Konfli pou tè ki egziste depi plizyè ane ant moun pyat ak moun monwi lage gwo tèt chaje nan komin monwi, depi yè jedi 12 dawout 2021 an moun nan komin monwi bloke wout nasyonal #1


Nan nivo delije,monwi depi Maten vendredi 13 dawout 2021 an anpil kawoutchou ap boule nan zòn sa yo malgre entèvansyon polis nan komisarya Sen Mak pou te rive debloke wout la koz gwo leve kanpe sitwayen yo, lapolis pa rive debloke l.


Anpil machin ki t'ap rantre pòtoprens ak lòt kite latibonit bloke depi yèswa sou wout nasyonal la lakoz moun nan komin monwi bloke wout la pou kontinye mande lajistis retire moun pyat sou tè swadizan gran paran yo te mouri kite pou yo.


Tecy Vilcius, ki se pòt pawòl moun pyat yo,lonje dwèt sou Blaise Elysée majistra komin monwi, yo di ki gen entèrè nan dosye tè yo ki koz wout la bloke.


Bò kote pal, Blaise Elysée li menm fè konnen li pa nan patipri ni pou moun pyat ni pou moun anba monwi, men li swete lajistis fè limyè dosye goumen pou tè yo epi pou leta bay tè yo vrè pwopriyetè yo.



DANIO DANIEL TANBOU VERITE

daniodaniel063@gmail.com

0 comments