crossorigin="anonymous">
 

Yon dirijan foutbòl Tikennkaykòs tonbe anba sanksyon

Federasyon << Turks and Caicos >> sanksyone sekretè jeneral li Oliver Smith, ki te fè derespektan ak yon jwè seleksyon nasyonal la nan kad twazyèm jounen eliminatwa koupdimond Qatar 2022.



Responsab yo nan federasyon << Turks and Caicos >> bay yon sanksyon de (2) mwa ak Oliver Smith, pou derespektan li te fè lè li t al rale balon nan men jwè ekip ayisyèn nan aprè match Ayiti kont << Turks and Caicos >> ki te fini dis (10) gòl a zewo (10-0) anfavè seleksyon nasyonal la.


<< Federasyon << Turks and Caicos >> pran desizyon pou sanksyone sekretè jeneral nou Oliver Smith, ki pral pase de (2) mwa san li pa patisipe nan anyen ki gen pou wè ak foutbòl >>, se sa ki ekri sou sit ofisyèl federasyon << Turks and Caicos >>.


N ap raple, aprè match Ayiti te fin jwe samdi 5 jen pase a kont ekip << Tuks and Caicos >> la, pandan jwè seleksyon nasyonal yo sitou bitè yo te sou tèren an ak boul nan men yo bridsoukou sekretè jeneral federasyon an te deside vin rape boul la nan men yon jwè ayisyen.


Jacky M. Fontaine

TANBOU VERITE

0 comments