crossorigin="anonymous">
 

Yon fanatik monte tèren an kòtouni pandan match Granada kont Manchester United la

Menm lè match yo fèt san piblik, yon fanatik kòtouni te reyisi pase sou sekirite yo epi rantre sou tèren an sa ki tap koz match Granada kont Manchester United ki konte pou kadefinal Europa League la te kanpe pandan 6 minit.


Fanatik sa a se pa nenpòt moun. Se te Olmo García, yon gwo biznismann tout moun nan rejyon Andalouzi konnen paske li abitye pran lari jan manman l' te fè l' pou l' manifeste an favè anviwònman, dirabilite ak lapè.


Li te travèse tout tèren an sòti nan yon pwent Al nan yon lòt avan lapolis te mete men sou li epi fè l' sòti.


Avan match la, anpil fanatik te pran lari pou yo ankouraje ekip Granada a pandan bis delegasyon an tap pase. Timoun, jèn tankou granmoun tout te reponn prezan.


Malerezman ekip yo a pèdi match la 2-0. Se Marcus Rashford ak Bruno Fernandez ki te fè gòl pou vizitè yo.

0 comments