crossorigin="anonymous">
 

Yon jèn gason touye 3 timoun ak 2 anplwaye nan yon gadri Santa Catarina, nan peyi Brezil


Yon jenn gason 18 lane antre nan yon gadri nan vil Saudades, nan Santa Catarina, li touye twa timoun ki gen pi pitit pase 2 lane ak 2 anplwaye ak yon manchèt avan l’ blese pwòp tèt li. Pou kounye a li nan yon eta grav nan yon lopital.


Atak sa a fèt madi 4 me a bò 10 zè nan maten. Aprè zak sa a, asasen an te eseye touye tèt li men yo te gentan kenbe l’. Fò n’ di se vijilans otorite ki fè popilasyon an pat fè fen l’ tèlman yo te an kòlè.

Gouvènè Santa Catarina a, Daniela Reinehr, n vil la e l’ dekrete twa jou dèy nan tout eta a aprè dram sa a.


Se pa premye fwa ensidan konsa rive nan peyi a. An 2019, 2 ansyen elèv te rantre nan yon lekòl nan zòn Suzano nan São Paulo, yo te touye 8 moun aprè yo touye pwòp tèt yo.


Saudades se yon ti vil ki twouve l’ a 600 kilomèt Floriannopolis, kapital Eta Santa Catarina a. Li genyen anviwon 10 000 abitan


Luckson VALCOURT

0 comments